Untitled Document
Untitled Document
Myanmar Catholic Church
CBCM
Untitled Document

ကိုရိုနာဗိုင်းရပ်စ်ကူးစက်ခြင်းမှ ကာကွယ်ရန် ၀ိညာဉ်ရေးနှင့် ကျန်းမာရေးဆိုင်ရာ လမ်းညွှန်ချက်

                           ရက်စွဲ ၁၆ မတ် ၂၀၂၀

ကိုရိုနာဗိုင်းရပ်စ်ကူးစက်ခြင်းမှ ကာကွယ်ရန် ၀ိညာဉ်ရေးနှင့် ကျန်းမာရေးဆိုင်ရာ လမ်းညွှန်ချက်

ကိုဗစ် ၁၉ ဗိုင်းရပ်စ် ပြန့်ပွားကူးစက်ခြင်းမှ ကာကွယ်ရန် ကက်သလစ်ဘာသာဝင်များအား ကက်သလစ် ဆရာတော်ကြီးများ အဖွဲ့ချုပ်မှ အောက်ပါအတိုင်း လမ်းညွှန်လိုပါသည် -

၁။      ဗိုင်းရပ်စ် ကူးစက်ခံရသည့် လက္ခဏာများဖြစ်သည့် - ဥပမာ - ဖျားခြင်း၊ နှာစေးခြင်း၊ လည်ချောင်းနာခြင်း၊ ချောင်းဆိုးခြင်း၊ အအေးမိခြင်း စသည်ဖြင့် ခံစားနေရသူများ အနေဖြင့် မိမိတို့အိမ်တွင်သာနေထိုင်ပြီး ဘုရားကျောင်းတက်ခြင်း အပါအ၀င် လူစုလူဝေး နေရာများသို့ သွားခြင်းမှ ရှောင်ကြဉ်ရန်၊ ရောဂါလက္ခဏာပြသူများအား တနင်္ဂနွေနှင့် ၀တ္တရားပွဲနေ့ကြီးများတွင် ပါဝင်တက်ရောက်ခြင်းမှ ကင်းလွတ်ခွင့်ပြုရန်။

၂။ ထိုသို့ ကင်းလွတ်ခွင့်ရသူများအနေဖြင့် မိမိတို့နေအိမ်တွင် တနင်္ဂနွေကျမ်းစာများကို ဖတ်ရှုဆင်ခြင်ပြီး အတွင်းစိတ်၌ ဘုရားသခင်အား ပင့်ယူပေါင်းစပ်ရန်။

၃။ မိမိတို့နေအိမ်၌သော်လည်းကောင်း၊ ဘုရားကျောင်းအုပ်စု၌သော်လည်းကောင်း အောက်ပါ ပုဂ္ဂိုလ်များအတွက် ဆုတောင်းမေတ္တာ ပို့သပေးရန် -

(က) ရောဂါကူးစက်ခံနေရသူများ၊ အထူးသဖြင့် ထိုရောဂါကြောင့် ကွယ်လွန်သွားသူများနှင့် ၄င်းတို့၏ မိသားစုဝင်များ၊

(ခ) ထိုဝေဒနာရှင်များအား ကုသပြုစုပေးနေကြသည့် ဆရာဝန်များ၊ သူနာပြုများနှင့် ကျန်းမာရေး ဝန်ထမ်းများ၊

(ဂ) ကမ္ဘာ့ဆေးဝါးကျွမ်းကျင်ပညာရှင်များအနေနှင့် ထိုရောဂါကို ထ်ိမ်းချုပ်ကုသနှိုင်သည့် ဆေးဝါး အမြန်ဆုံး ဖော်စပ်နှိုင်ရန်။

၎။ နေ့စဉ်မစ္ဆားတရားပူဇော်ခြင်း၌ အထက်ပါ ရည်ရွယ်ချက်များ ထည့်သွင်းဆုတောင်းခြင်းဖြင့် ကမ္ဘာတစ်ဝှမ်းရှိ ညီအစ်ကိုမောင်နှမများနှင့် တစ်စည်းတစ်လုံးတည်းရှိကြောင်း ဖော်ပြရန်။

၅။ မစ္ဆားတရားပူဇော်ခြင်း၌ လက်တွေ့လုပ်ဆောင်ရမည့် အရာများမှာ -

(က) ယာယီကာလအားဖြင့် ဘုရားကျောင်းအဝင်တံခါးပေါက်အနီးတွင် ပရိတ်မေတ္တာရည် ထားရှိခြင်း၊   တို့ထိခြင်းမပြုရန်၊

(ခ) မစ္ဆားတရားအတွင်း “ငြိမ်းချမ်းခြင်းကိုကမ်းလှမ်း” ရမည့် အချိန်တွင် လက်ဆွဲ နှုတ်ဆက်ခြင်းအစား ဦးညွှတ်ရန်၊

(ဂ) ကိုယ်တော်မြတ် စက္ကရမင်တူးအား လက်ဖြင့်ပင့်ယူခြင်းကို အားပေးရန်၊

(ဃ) ရဟန်း (သို့) အမှုတော်ဆောင် မှ ကိုယ်တော်မြတ် မပေးဝေမှီ နှင့် ပေးဝေပြီးပါက လက်ကို စင်ကြယ်အောင် ပြုလုပ်ရန်၊

(င) ယခုကာလအတွင်း ဆင်းတုတော်များအား ထိကိုင်ခြင်း၊ နမ်းရှုံ့ခြင်းမှ ရှောင်ကြဉ်ပေးပါရန်၊  

(စ) ကြာသာပတေးနေ့ကြီးတွင် “ ခြေဆေးခြင်းအခမ်းအနား” ပြုလုပ်မည်မဟုတ်ပါ၊

(ဆ) သောကြာနေ့ကြီး အခမ်းအနားတွင် လက်ဝါးကပ်တိုင်တော်ကို နမ်းရှုံ့ခြင်း မပြုလုပ်ရန်၊    အရိုအသေပြုလိုသူများ ဦးညွှတ်ခြင်း၊ ဒူးထောက်ခြင်းများသာ ပြုလုပ်ကြပါရန်၊

(ဇ) ပါစကားပွဲအကြိုည အခမ်းအနားကို စနေနေ့ကြီးညနေ (၅)နာရီမှ(၇)နာရီထက် နောက်မကျစေပဲ ကျင်းပရန်၊ ညသန်းခေါင် မစ္ဆားပူဇော်ခြင်း ပြုလုပ်မည်မဟုတ်ပါ၊ 

(ဈ)     ဝတ်ပြုကိုးကွယ်ခြင်းတွင် အသုံးပြုရသည့် နေရာနှင့် အသုံးအဆောင်ပစ္စည်းများကို အခမ်းအနားတစ်ခုပြီးတိုင်း ဆေးကြောသန့်စင်ခြင်း၊ ရဟန်းနှင့် ဘာသာဝင်များပါ မကြာခဏ လက်ဆေးခြင်းကို လိုက်နာလုပ်ဆောင်ရန်၊

(ည)    ကိုရိုနာဗိုင်းရပ်စ်သည် ငွေစက္ကူများမှတဆင့်လည်း ကူးစက်နှိုင်သည်ဟု ကမ္ဘာ့ကျန်းမာရေး အဖွဲ့ကြီးက သတ်မှတ်ထားပါသည်။ ထို့ကြောင့် အလှူငွေကောက်ခံရေတွက်သူများအနေဖြင့် မျက်နှာဖုံးစွပ်ခြင်း၊ လက်ကို အရက်ပျံဖြင့်၊ လက်ဆေးရည်ဖြင့် ဆေးကြောခြင်းများပြုလုပ်ရန်၊

(ဋ)     အ၀တ်ဖြင့်ကာရန်ထားသည့် အာပတ်ဖြေနားထောင်ခုံတွင်သာ အာပတ်ဖြေခြင်းကို ပြုလုပ်ကြ ရန်၊ ရဟန်းနှင့်ဘာသာဝင်နှစ်ဦးစလုံး မျက်နှာဖုံးစွပ်တပ်ရန်၊

(ဌ)     ဘာသာဝင်များသည် မိမိတို့အစီအစဉ်ဖြင့် ဘုရားကျောင်းသို့မ၀င်ရောက်မှီ မျက်နှာဖုံးစွပ် တပ်ဆင်ကြရန်၊ ဘုရားကျောင်းမှ ပြန်လည်ထွက်ခွာသည့်အခါ အသုံးပြုပြီး မျက်နှာဖုံးများနှင့် တစ်သျှူးစက္ကူများကို အလွယ် တကူမစွန့်ပစ်ရန်၊

(ဍ)     ဘုရားကျောင်းအ၀င်ပေါက်များတွင် အီသိုင်းအယ်လ်ကိုဟော (၇၀%) ပါဝင်သည့် လက်ဆေးရည်များကို ထားရှိပေးရန်။

၆။      ဤကပ်ရောဂါ၏ စိန်ခေါ်မှုကို ရင်ဆိုင်နှိုင်ရန် ကမ္ဘာနှင့်မြန်မာ့ခေါင်းဆောင်များမှာ အစွမ်းကုန် ကြိုးစားလျက်ရှိကြပါသည်။ ကျွန်ုပ်တို့အားလုံးမှ ကျန်းမာရေးနှင့် အားကစားဝန်ကြီးဌာန၏ ဦးဆောင် လမ်းညွှန်မှုကို ပူးပေါင်းဆောင်ရွက်ရန် လိုအပ်ပါသည်။

(က) ဤကာလအတွင်း ဘုရားကျောင်းများ၊ ဟောခန်းများတွင် ကျင်းပပြုလုပ်မည့် အစည်းအဝေး များ၊ သင်တန်းများ၊ မိတ်ဆုံစားပွဲများ၊ စုဝေးခြင်းများကို ဖျက်သိမ်းရန် သို့မဟုတ် ရွှေ့ဆိုင်း ထားရန်၊

(ခ) သာရေး၊ နာရေး အခမ်းအနားများကို သက်ဆိုင်ရာမိသားစုဝင်များနှင့်သာ အကျဉ်းချုံး ကျင်းပ ရန်၊

(ဂ) ဘုရားစာ သင်တန်းများ၊ ချီးမွမ်းကိုးကွယ်ခြင်းများ၊ ဆွေးနွေပွဲများအားလုံး မပြုလုပ်ရန်၊

(ဃ) ထိုနည်းတူ လူစုလူဝေးဖြစ်ပေါ်စေမည့် ရဟန်းသိက္ခာတင်ပွဲများ၊ ဂျူဗလီပွဲများ၊ ဘုရားကျောင်း ရဟန္တာပွဲများ၊ ရေစက်ချပွဲများနှင့် မယ်တော်ပွဲများအားလုံးကို ဖျက်သိမ်း သို့မဟုတ် ရွှေ့ဆိုင်းရန်၊

(င) လေ၀င်လေထွက်ကောင်းမွန်စေရန်အတွက် ပြတင်းပေါက်နှင့်တံခါးပေါက်များကို ဖွင့်ထားရန်၊

၇။      ထိတ်လန့်ကြောက်ရွံ့ခြင်းသည် ဗိုင်းရပ်စ်ထက် ပိုမိုဆိုးရွားသဖြင့် ကာကွယ်ခြင်းနှင့်အတူ တည်ငြိမ်စွာဖြင့် ဘုရားသခင်၌ ယုံကြည်အားကိုးကြရန်၊

(က) ဘာသာဝင်များအနေဖြင့် ကိုယ်တော်မြတ်စက္ကရမင်းတူးရှေ့တော်မှောက်တွင် ကုသခြင်း ဆုကျေးဇူးကိုတောင်းခံနှိုင်ရန် ဘုရားကျောင်းများနှင့် ကိုယ်တော်မြတ်ဖူးဆောင်များကို ဖွင့်ထား ပေးရန်၊

(ခ) ဤကပ်ရောဂါမှ လွတ်မြောက်ရန်၊ ဘာသာဝင်များ၏ ရည်ရွယ်ချက်များ အောင်မြင်ရန်၊ ၀ိညာဉ် ဆုကျေးဇူးများ ခံစားရရှိစေရန်၊ ရဟန်းတော်များမှ မစ္ဆားတရားပူဇော်ပေးရန်၊

(ဂ) ကိုဗစ် ၁၉ ကူးစက်ခံရသည့် ဝေဒနာရှင်များအားကူညီရန်အတွက် အလှူငွေကောက်ခံရန်၊

(ဃ) ပုပ်ရဟန်းမင်းကြီး ဖရန်စစ် အရှင်သူမြတ်မှ သာသနာ့ခေါင်းဆောင်များအား ဘာသာဝင် သိုးစုနှင့် နီးကပ်စွာရှိရန် တိုက်တွန်းလျှက်ရှိသဖြင့် လက်တွေ့အကောင်အထည်ဖော်ဆောင်ကြ ရန်၊

(င) လူမမာ ကိုယ်တော်မြတ်ပေးခြင်း၊ ပရိတ်တော်ဆီလူးခြင်း၊ အာပတ်ဖြေခြင်း စက္ကရမင်းတူး လိုအပ်သူများကို စွန့်ပစ်မထားရန်၊

အထူးသတိပြုရန်

-       ဒေသခံအာဏာပိုင်များနှင့် သက်ဆိုင်ရာ ဆရာတော်တို့၏  လမ်းညွှန်ချက်များ ကို သာသနာနယ်အသီးသီးမှ လိုက်နာလုပ်ဆောင်ရန်၊

-       မြန်မာနိုင်ငံကက်သလစ်ဆရာတော်ကြီးများအဖွဲ့ချုပ်မှ ထပ်မံ၍ သီးခြားညွှန်ကြားမှု မပြုလုပ် မခြင်း ဤလမ်းညွှန်ချက်သည် အတည်ဖြစ်သည်။

 

 

ကာဒီနယ်ချားလ်(စ်)ဘို                                              ဆရာတော်ဖေးလစ်လျန်ခင်းထန်

ရန်ကုန်ဂိုဏ်းချုပ်ဆရာတော်                                       ဥက္ကဋ္ဌ (စီဘီစီအမ်)

 

 

 

ဆရာတော်အလက်ဇန္ဒားပြုံးချို                                      ဆရာတော်ဂျွန်စောယောဟန်

ကျန်းမာရေးကော်မရှင်တာဝန်ခံ                                    အတွင်းရေးမှူး (စီဘီစီအမ်)


2020-03-17 03:04:45
NEWS AND EVENTS