Untitled Document Untitled Document
Untitled Document
Myanmar Catholic Church
Untitled Document

“သူတို့ စပျစ်ဝိုင်ကုန်နေပြီ သားရဲ့…”

-----------(က)----------------------- “သူတို့က ရွာမျက်နှာဖုံးတွေလေ” “မိဘကို အိုးမဲမသုတ်နဲ့နော်” “သားသမီးတို့ မျက်နှာထောက်ပါအုံး”…။ #လူမျိုးတိုင်းက မိမိတို့ မိသားစု၊ရပ်ရွာ၊မြို့ပြနှင့်နိုင်ငံ့ဂုဏ်တွေ တန်ဖိုးထားမြတ်နိုးကြတယ်။ *ဘာသာစကား၊ ယဉ်ကျေးမှုအမွေအနှစ်၊ ဓလေ့ထုံးတမ်းအစဉ်အလာတွေလည်း မပျောက်ပျက်မတိမ်ကောသွားဖို့ ထိန်းသိမ်းကြရတယ်။
“မျက်နှာ” “ဂုဏ်သိက္ခာ” ကြောင့် စစ်ရှုံးရင် သိက္ခာမဲ့ရန်သူ့လက်ထဲ အပါမခံဖို့ မိမိတို့ကိုယ်ကိုယ် အဆုံးစီရင်ကြသူတွေအကြောင်းလည်း ကြားဖူးတယ်။ “သိက္ခာ” ကို အသက်နဲ့လဲကြသူတွေက ဒုနဲ့ဒေး။ ဒီတော့ ပတ်ဝန်းကျင်လူမှုအသိုင်းအ၀ိုင်းမှာ “ဂုဏ်သိက္ခာ” တရားက အရေးပါတယ်။
#ကာနန်လက်ထပ်ပွဲမှာ လိုအပ်နေတဲ့ စပျစ်ဝိုင်သာ မဖြည့်ဆည်းနိုင်ခဲ့ရင် အဲဒီမိသားစုတော့ “ဂုဏ်သိက္ခာ” ပိုင်း ထိခိုက်မှာ အမှန်ပဲ။
*ဧည့်ဝတ်မကျေပွန်ခြင်းပုဒ်မနဲ့ အများအမြင်မှာ ရှက်ဖွယ်ကောင်းပြီး ရှုတ်ချစရာဖြစ်လာမယ်။
“ဒါနဲ့ ဘယ်လိုလုပ် စပျစ်ဝိုင် ကုန်ရတာလဲ” “သူတို့ လုံလုံလောက်လောက် မပြင်ဆင်ထားတာလား” “ဒါမှမဟုတ် လူတွေကိုက သောက်နိုင်လွန်းအားကြီးကြလို့လား” …စသဖြင့် စဉ်းစားတွေဝေခဲ့ဖူးတယ်။
#ဂျူးလူမျိုးဓလေ့ထုံးတမ်းက မင်္ဂလာဆောင်ပွဲကျင်းပရင် လေး၊ငါးရက် ဒါမှမဟုတ် တစ်ပါတ်တိတိ ကြာမြင့်တတ်ကြောင်း နောက်မှ သိရတယ်။ ဘာပဲပြောပြော မိသားစုဂုဏ်သိက္ခာ မပွန်းပဲ့မကျဆင်းဖို့က သူတို့ရဲ့တာဝန်ပါ။
--------------(ခ)-------------------------- “သူပြောသမျှ အကုန်လိုက်လုပ်ကြနော်” ဒီအဖြစ်အပျက်ကြောင့်ပါပဲ မယ်တော်မာရီးယားရဲ့ အခန်းဏ္ဍက ဘယ်လောက်အရေးပါမှန်း ပိုမိုထင်ရှားစေတယ်။ #သူမရဲ့မြင်တတ်၊စာနာတတ်၊ ပူပန်ပေးတတ်မှုက ထိုမိသားစုရဲ့ ဂုဏ်သိက္ခာကို လှပစေရုံမက ခရစ်တော်သ္ခင်ရဲ့ဦးဆုံးသော တန်ခိုးလက္ခာကို မြင်တွေ့စေခဲ့တယ်။
မယ်တော်သခင်မကို သဒ္ဓါကြည်ညိုခြင်းဆိုတာ ခရစ်တော်နောက်လိုက်ဖို့အတွက်ပါ။
သူမက ကယ်တင်ရှင်မဟုတ်သလို၊
ဘုရားသ္ခင်လည်း မဟုတ်ရပါဘူး။ ဒါပေမယ့် သူမက ခရစ်တော်သ္ခင်ဆီ အမြဲပို့ဆောင်ပေးသူပါ။ ဒါကြောင့်မို့ ဧ၀ံဂလိကျမ်း (၄)စောင်လုံးမှာ မယ်တော့်ရဲ့နောက်ဆုံးစကားက - “သူပြောသမျှ အကုန်လိုက်လုပ်ကြနော်”…။
(John 2:5)
_________နိဂုံး____________ “သူတို့ စပျစ်ဝိုင်ကုန်နေပြီ သားရဲ့…” မှန်ပါတယ်။ ကာနန်လက်ထပ်ပွဲမှာ စပျစ်ဝိုင်ကုန်ခမ်းသွားရတယ်။ #မိမိတို့ မိသားစုဘ၀မှာ- “စိတ်ရှည်ခြင်း” “နားလည်ပေးတတ်ခြင်း” “ဆက်သွယ်စကားပြောခြင်း” ယုတ်စွအဆုံး “ချစ်ခြင်းမေတ္တာတရား” တွေပါ ကုန်ခမ်းသွားတတ်ပါတယ်။ #ကာနန်လက်ထပ်ပွဲမှာ ခရစ်တော်သ္ခင်နှင့်မယ်တော်သ္ခင်မတို့ ရှိနေပေးခဲ့သလိုမျိုး မိမိတို့မိသားစုမှာလည်း သူတို့တွေ ရှိနေပေးပါတယ်။ မိမိတို့ကိုယ်တိုင် အကူအညီတောင်းခံကြဖို့ပဲ လိုတာပါ။ #သူတို့ကြောင့် ကာနန်လက်ထပ်ပွဲ သက်ဝင်စိမ်းလန်းနေခဲ့သလိုပေါ့… မိမိတို့ဘ၀၊ မိမိတို့မိသားစုကိုလည်း သက်ဝင်လှုပ်ရှားနေအောင်၊ စိမ်းလန်းစိုပြေနေအောင် စွမ်းဆောင်ပေးနိုင်ပါတယ်။
_____________________________
Credot သည်းနယူး


2019-01-21 02:24:07
NEWS AND EVENTS
Next